Popular Posts

Tuesday, September 17, 2013

साहेब




        साहेब

बांधावरच्या माणसाला आता
तुमच्यात देव दिसतोय
शेतीसाठी का व्हईना पण
तुमचाच जीव तुटतोय

गावातल्या सोनबाला बघा
तुमचं म्हणणं लय पटत
चार कोस सभा तरी
येतोना पाय आपटत

साहेब, शेतक-याच्या आत्महत्या
म्हणती साले फॅड झालया
मंदिर आणि मठांनी काय
समजाला कमी वेडे केलयं

रामाच्या नावावर जगणा-यांना
तुमची मोठी धास्ती आहे
सत्तेचं कुलूप खोलायला
त्यांच्याकडे कुठे चावी आहे

चुल आणि मुला पुरतीच
महिला आता सरपंच केलीत
महापौर, आमदारही झाली
सगळी पदे

महिलांसाठी तुम्ही मोठं
बघा काम केलंया
संस्कृती साखळदंड तोडून
त्यांच्या हातांना बळ दिलंया

शिवबाचा शिवधर्म आता
तुम्हाला सांगावा लागेल
कृष्णाजी भास्कर सारखा
मनूवाद फाडावाच लागेल

फुले शाहु आंबेडकरांचा
महाराष्ट्र तुम्ही फुलवलाय
शिवरायांचा राष्ट्रवाद
मनामनात जागवलाय

कोण परदेशी कोण स्वदेशी
आता हेच ठरवावे लागेल
साहेब तुम्हालाही आता
मनातले बोलावेच लागेल

बारामतीच्या वैभवाने
मनुवाद्यांचे डोळे दिपतात
अंधा-या खोलीत जाऊन
काजव्या समोर बसतात

दशरथ यादव, पुणे

No comments: